:][يعني أعطيك الثقه وتردها بـ لوي الذراع ياخي ماشاالله عليك أبدعت في رد الجميل][

:][يعني أعطيك الثقه وتردها بـ لوي الذراع ياخي ماشاالله عليك أبدعت في رد الجميل][


لو خسرتك ماخسرت العمر والدنيا متاع..
وأدري إني لو خسرتك ماخسرت إلا القليل..



بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..



والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..



وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..



البشر واحد..نعم..لكن.. فرق الإنطباع..
يجعلك يمّي تميل ..ويم غيري ماتميل..



يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..



وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..



بيض الله وجهك اللي ساتره تحت القناع..
ورايتك بيضا معاي وياعسى عمرك طويل..



يعني أعطيك الثقه وتردها بـ لوي الذراع..
ياخي ماشاالله عليك أبدعت في رد الجميل..



مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..



كم وأنا عيت أصدق فيك قدر المستطاع..
من غبائي كنت أسكت وأعذرك وأثر الحصيل؟..


جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..

رحمتك يارب لامن ضاقت أمنحني الوساع..
إنت حسبي في الزمان الجاير ونعم الوكيل..

ممآ رآق لي..